Опубликовано: 22.04.2025

ДИПИ кэлэр сылга 30 сааһын бэлиэтиир. Бу сыллар тухары төһөлөөх киһи интернат-дьиэҕэ олорон үлэһиттэр сылаас сыһыаннарынан угуттанан олохторун уһаппыттарын, нус-хас олоҕу билбиттэрин ааҕан сиппэккин. Кинилэр истэригэр элбэх сэрии, тыыл, үлэ бэтэрээннэрэ, сэрии оҕолоро бааллара. Күн бүгүн ДИПИ үлэһиттэрэ 4 тыыл бэтэрээнин, 7 сэрии оҕотун көрө-истэ, бүөбэйдии сылдьаллар.
Степанова Галина Ивановна от ыйыгар 93 сааһын туолаары сылдьар сэрии огдообото. Төһө да ыарытыйдар кини сүрдээх үөрүнньэҥ, кэпсэтинньэҥ. Үлэлээн ааспыт кэмнэрин, алтыспыт дьоннорун олус сылаастык ахтар. Кыанар-хотунар сааһыгар ыарахан-чэпчэки диэн араарбакка үлэ бөҕөнү үлэлээбит киһи.
Кырдьыы киһи олоҕун биир сүрүн түһүмэҕэ. Бу кэрдиис кэмҥэ хас биирдиибит уратылаахтык тиийэн-тиксэн кэлэбит. Ким эрэ сылааһынан сыдьаайар, сорох бэйэтигэр бүгэн төлөнө суох куурар-хатар…
Галина Ивановна олус сырдык киһи. Кини туһунан Лена Петрова кэпсээнин Кыайыы күнүн көрсө Ньурба хаһыатыгар ааҕаарыҥ.