Опубликовано: 20.02.2025

Бүтүн Өрөспүүбүлүкэ олохтоохторо бүгүн Төрөөбүт тыл уонна сурук-бичик күнүн бэлиэтииллэр. ДИПИ сахалыы тыыннаах олохтоохторо уонна үлэһиттэрэ дьоһун тэрээһиннэртэн туора турбатыбыт.
СӨ үтүөлээх артыыската, Ньурба улууһун ытык олохтооҕо Майя Слепцова — Эбээ Маайа илэ бэйэтинэн тиийэн кэлэн олох туһунан кэпсээннэри доҕоонноохтук ааҕан истээччилэрин ураты эйгэҕэ киллэрэн ылла, салҕыы ырыа -тойук арааһа дьиэрэйдэ, тэрээһини бары бииргэ туран Сергей Зверев аатырбыт «Оһуор» үҥкүүтүнэн түмүктээтибит.
Ийэ тылбытыгар тапталбыт биир күннээх буолбатыгар баҕарабыт, өссө да сүүһүнэн көлүөнэ ыччаттарбыт Саха тылын, суругун -бичигин сииккэ симэлиппэккэ, тумаҥҥа көтүппэккэ илдьэ сылдьаллара буоллар диэн эрэлбитин биллэрэбит.