Опубликовано: 18.05.2026

Күүтүүлээх Пиэрибэй Маай бырааһынньыгын көрсө ыкса ыалларбыт Сүлэ олохтоохторо сүрдээх истиҥ кэнсиэри бэлэх ууннулар. СӨ култууратын туйгуна Иванова Р.А. араас кэмҥэ айбыт ырыалара-хоһоонноро көрөөччүлэр биһирэбиллэрин ыллылар, хореограф Алексеева Т.Н. туруорбут үҥкүүлэрэ ураты тыыны сахтылар, Аркадий Кононов ырыатыгар дьон дуоһуйа хамсанна, Тимофей Шестаков салайааччылаах Ньурба куорат бэтэрээннэрин ансаамбыла тыыннаах доҕуһуолунан ыллаан а5ам саастаахтары олукһун үөртүлэр. Саас ылан уонна доруобуйаларын туругунан бараллара-кэлэллэрэ хааччахтаммыт дьон артыыстары маннык тутан олорон көрдөхтөрүнэ олус астыналлар, үҥкүүһүттэри кытта үҥкүүлэһэн, ырыаһыттары кытта ыллаһан сүрдээҕин сэргэхсийэллэр.
Олохтоохтор ураты махталларын тириэрдэллэр Сүлэ баһылыгар, попечительбитигэр Иванов Д.Ю, «Айыы тайбыт» култуура киинин салайааччытыгар Винокурова Н.Б., худрук Герасимова М.Ф. уонна Сүлэ айар куттаах далбар хотуттарыгар, эр хоһууттарыгар. Дьоллоох буолуҥ! Кыайыы кынаттааах, Ситиһии сиэтиилээх сылдьыҥ!