Опубликовано: 22.02.2023

      Ол чэрчитинэн, Ньурба түмэлин үлэһиттэрэ «В.А. Петрова аатынан Ньурбатааҕы улуустар икки ардыларынааҕы кырдьаҕастар уонна инбэлииттэр интэринээт дьиэлэригэр» Ньурба улууһа төрүттэниитин туһунан: Ньырбакаантан, Ньурба күөлүн түһэриититтэн саҕалаан улууспут билиҥҥи кэм устуоруйатыгар диэри кэпсээтилэр. Маны таһынан, Терехова П.Д. сахалыы остуол оонньууларын хабылыгы, хаамысканы, тыксааны, уоттаах күүгүнэйи о.д.а. оонньуулары оонньотто.
       Н.Г. Петров-Буруулгун аатынан түмэл иһинэн үлэлиир библиотекаттан Ньурба үһүйээннэрин туһунан кэпсиир кинигэлэри уонна түмэл таһаарар «Нюрбинский район: Грани» сиэрийэнэн тахсар кинигэлэри билиһиннэрдилэр.

Түмэл пресс-сулууспата