Опубликовано: 15.11.2024

Ый устата ыытыллыбыт улуустааҕы «Үрүҥ торуоска» тэрээһин түмүктүүр түһүмэҕэ бүгүн ыытылынна. Программаҕа далбар хотуттар «Олоҕу ылынабын махталынан» курэхтэрэ, ырыа-тойук эгэлгэтэ, айар талаан быыстапката, минньигэс астаах остуол киирбиттэрин киһи барыта сэҥээрдэ. ГИБДД үлэһиттэрэ суолга сэрэхтээх буолуу туһунан кэпсээтилэр, анал жилеттары, магниткалары бэлэх ууннулар. Киин библиотека исписэлиистэрэ харахтарынан хааччахтаахтарыттан иҥнибэт ураты дьоҕурдаахтар талааннарын кустук араас өҥүнэн оонньотон мустубут дьону сэргэхситтилэр. Варвара Петрова аатын сүгэр интернат-дьиэттэн Фёдоров В. В., Яковлева М. Н., Павлова Л. Е., Захарова М. И. көрсүһүүгэ анаан-минээн тиийэн көрү — нары көҕүлүттэн туттулар, сатабылларын сырдаттылар, дуоһуйа сынньаннылар. Мария Захарова күрэх «Ыллам Хотун» анал аатынан бэлиэтэннэ.
Аҕам саастаахтарга дьону кытта алтыһартан, саҥаны — сонуну сомсортон күндү суох. Махтал буоллун бүгүҥҥү күн үөрүүтүн бэлэх ууммуттарга!