Опубликовано: 28.07.2025

К. Д. Уткин аатынан Норуоттар доҕордоһууларын түмэлиттэн АНО МРИК салайааччыта Иннокентьева Александра уонна СВФУ студентката түмэлгэ практикалана сылдьар Иванова Алина кэлэннэр Улуу Кыайыы 80 сылыгар аналлаах быыстапкаттан экспонаттары аҕалан көрдөрдүлэр уонна кэпсээтилэр. Быыстапкаҕа Ньурба түмэлигэр харалла сытар Аҕа дойду Улуу сэриитин кыттыылаахтара тутта сылдьыбыт маллара көрдөрүүгэ турдулар. Т.Г. Николаев фронтовай күннүгэ, Е.Ф. Иванов луоската, хыраһыын лаампа, сэбиэскэй саллаат кааската, Улуу Кыайыы үбүлүөйдээх сылларыгар анаммыт альбомнар о.д.а. Интэринээт олохтоохторо экспонаттары сэргии көрдүлэр, түмэл үлэһитин кэпсээнин иһиттилэр. Ордук кыраайы үөрэтээччи К.В. Васильев Ньурба түмэлигэр туттарбыт Аҕа дойду Улуу сэриитигэр Сэбиэскэй аармыйа уонна фашискай Германия тутта сылдьыбыт патроннарын сэҥээрдилэр (Мосин уонна Маузер винтовкаларын патроннара). Бу маллары Ксенофонт Васильев Старай Руссаҕа «Вахта Памяти» раскопкаларыгар кытта сылдьан булаттаабыта.
Советскай Союз Геройдара Николай Николаевич Чусовской уонна Николай Петрович Кудряшов олохторун уонна хайдах сэриилэспиттэрин тустарынан быһа тардан кэпсээтилэр.
Өссө да кэлиэхпит диэн олорооччулары да, үлэһиттэри да үөртүлэр.