Опубликовано: 01.11.2024

Кэпсэтии Сүбэ үлэтин ис хоһоонун тула барда. Мунньах үөрүүлээх түгэнтэн саҕаланна — Кыталык КД коллектива бэйэтин ветераныгар Потапов Н. А. үбүлүөйдээх айар сезона саҕаламмытынан ыыппыт бэлэҕин туттардыбыт. Салҕыы кэпсэтиигэ Сүбэ салайааччыта Христофорова В.И. уонна интернат көхтөөх олохтоохторо Захарова М. И., Павлова Л. Е., Иванов Ю. М., Фёдоров В. В., Петров В. А. уо.д.а. кыттыыны ыллылар. Элбэх этилиннэ. Бары да санаабыт биир эбит — олорооччулар биир дьиэ кэргэн буолаллар, онон истиҥ сыһыан, бэйэ бэйэҕэ көмө, дьиэ ис-тас үлэтигэр кыттыһыы сүрүн сорук буолар. Аралдьытар-саататар тэрээһиннэр тиһиги быспакка ыытылла тураллар, көрүү-истии, аһылык өттүгэр туох да киһи сирэрэ суох эбит. Итэҕэс быһыытынан кыралаан тахсар бэрээдэги кэһиини уонна куһаҕан кэмэлдьини — табахтааһыны ааттаатылар. Иннибитигэр үлэ элбэх, көмөлөөн кыайыахпыт диэн буолла!