Опубликовано: 23.01.2023

         Тохсунньу 18 күнүгэр Ньурба куоракка Ф.Г. Сафронов аатынан кииннэммит библиотекаҕа В.А.Петрова аатынан Ньурбатааҕы кырдьаҕастар уонна инбэлииттэр интэринээт дьиэлэрэ төрүттэммитэ 25 сылыгар аналлаах  “Аҕам саастаахтарга кыһамньы уйата”кинигэ сүрэхтэниитэ бэрт сылаас истиҥ-иһирэх быһыыга майгыга буолан ааста.

         Кинигэ ааптардарардарынан буолаллар бу тэрилтэҕэ 2015 с.үлэлиир бу тэрилтэҕэ культураҕа тэрийээччинэн үлэлиир Григорий Иванович Седалищев уонна эмиэ бу тэрилтэҕэ быйыл 25-с сылын үлэлиир Николаева Тамара Ивановна. Маны тэҥэ бу кинигэ тахсыытыгар сыраларын биэрдилэр бу тэрилтэ библиотекара Никифорова Светлана Герасимовна, урут үлэлээн ааспыт Махатырова Дора Алексеевна, Убайаан оскуолатыгар үлэлээн ааспыт бэтэрээн учуутал Николаева Маргарита Николаевна, бу тэрилтэ сиэстэрэ-хаһаайката Григорьева Виктория Михайловна уо.д.а.

  Тэрээһини иилээн-саҕалаан ыыттылар кырдьаҕастар интэринээттэрин директора Семенова Изамира Федосьевна уонна бу библиотека сүрүннүүр специалистара Васильева Рея Петровна уонна Ноева Маргарита Романовна.

Кинигэ сүрүн ис хоһооно бу тэрилтэни сүһүөҕэр туруоран төрүттэспит бэтэрээн салайааччылар Котоконова Валентина Никифоровна уонна Николаева Маргарита Ивановна бүтүн үйэ чиэппэрэ 25 сыл усата сыралааах үлэлэригэр ананна.

Бу тэрээһиҥҥэ көхтөөх кыттыыны ыллылар “Ньурба’’ улууһа муниципальнай тэриллии дьаһалтатыттан, “Ньурба” куорат дьаһалтатыттан, социальнай харалта кэлэктиибиттэн, Ньурбатааҕы көһө сылдьар драмтеатр кэлэктиибиттэн “Кыталык “ культура киинин дыбарыаһыттан, музей кэлэктиибиттэн, архыып кэлэктиибиттэн уонна кинигэ сүрүннүүр ааптара Седалищев Г.И төрөөбүт нэһилиэгиттэн Дьиикимдэ Аҕа баһылыга Осипов.П.Н. Тэрээһиҥҥэ кинигэ тахсыытыгар үбүнэн көмөлөспүт Ньурба улууһун баһылыгар А.М.Иннокентьевка уонна Сунтаар улууһун Аҕа баһылыгар Григорьевка барҕа махтал тыллара этилииннилэр.Сылдьыбыт дьон бэлиэтииллэринэн тэрээһин бэрт үрдүк таһымҥа буолан ааста.