Опубликовано: 27.01.2026

Ол курдук, Айыы үөрэҕинэн дьарыктанар коллегабыт Винокурова Т.С. «Өбүгэ саҕаттан» диэн темаҕа былыр Ороһооспону хайдах бэлиэтииллэриттэн саҕалаан Таҥхаҕа тиийэ кэпсэтиини иилээн-саҕалаан ыытта. Сүрдээх үчүгэйдик бэлэмнэнэн кэлэн мустубут дьон болҕомтотун ылыан ылла. Ытык киһибит Василий Федоров киирии тылыгар бар дьоҥҥо олохтоохтор ааттарыттан Алгыс тылын анаата. Өрүү көхтөөх-көрдөөх Василий Петров Сойуус саҕана хайдах Ороһоосполуулларын ахтан-санаан ылла, үгэһинэн ырыа ылаан сэһэнин ыпсарда. Ол кэннэ, Ороһооспо ооньуулара, ырыа-тойук, таабырын таайсыыта тиһигин быспакка салҕанан барда. Ороһооспо тэрээһинэ «Хамсаныы олох төрдө» диэн санаанан салайтаран дискотеканан түмүктэннэ. Ороһооспонон, күндү доҕотторбут!