Опубликовано: 14.11.2024

Сэтинньи 13 күнэ сахаларга ураты күн. Маҥнайгы президеммит М. Е. Николаев төрөөбүт күнэ. Интернат дьиэ олохтоохторугар бу күн үс бүк суолталаах буолла.
«Үрүҥ торуоска» тэрээһин чэрчитинэн Киин библиотека сүрүннүүр испэсэлииһэ Рея Петровна Васильева М.Е.Николаев олоҕун туһунан кэпсээтэ. Анал ыйытыктары бэлэмнээн олохтоохтору оонньотто.
Кыттааччылар бастакы президиэммит олоҕор аналлаах викторинаҕа толору эппиэттэри биэрэн сүрдэрэ көтөҕүлүннэ.
Түмүккэ харахтарынан хааччахтаах интернат олохтоохторо мустубут дьоҥҥо бэртээхэй кэнсиэри көрдөрөн астынан тарҕастылар. Тэрийээччилэргэ бар5а махталларын биллэрдилэр. Баяҥҥа доҕуһуоллаата Кыталык КД үлэһитэ Тимофей Шестаков.
Күнүскү аһылык кэнниттэн уйулҕа ыйын былаанынан чөл туруктаах буоларга аһыыр ас, таҥнар таҥас, тулалыыр эйгэҕэ сыһыан суолтатын туһунан интернат медицинскэй сиэстэрэлэрэ Андреева Т. Н., Иванова Н. В. аныгы технологияны туһанан сиһилии кэпсээтилэр.
Өссө биир туһалаах күн ааста! Чөл буолуоҕуҥ!