Опубликовано: 02.11.2024

Бүгүн биһиэхэ үтүө санаалаах Андрей Сивцев — Сэргэн Лэкээрин, Айылҕа бахсыта, «Сэттэ ытык мыраан» алгысчыта, түстээччи, Чуукаар оскуолатын учуутала ыалдьыттаата.

         Сэргэн Лэкээрин олох олорууга бэйэтин көрүүтүн бэрт ылыннарыылаахтык кэпсээтэ. Олохтоохтор Айылҕа бахсыта итэҕэл туһунан санаатын болҕойон иһиттилэр. Хас биирдиибит ис сүрэхпитигэр итэҕэллээх буолуохтаахпытын, киһи уратыта онно сытарын тоһоҕолоон эттэ-тыынна. Хайдахтаах да уустук түгэннэргэ итэҕэллээх киһи бөҕө тирэхтээх буолан олох охсууларыгар хотторбот диэн бигэргэттэ. Олохтоохтор Алгысчыт этиилэрин олус диэн сэргээтилэр. Маннык көрсүһүү хайаан да хатыланарыгар баҕаралларын биллэрдилэр. Ыалдьыппытыгар Байанай ыйын көрсө сүрдээх ыраас санааны сахпытыгар, биһигинниин бииргэ буолбутугар ис сүрэхпититтэн махтанабыт. Аныгыскы көрсүөххэ диэри! Эрэнэ күүтэбит!