Опубликовано: 19.05.2023

Музей Аан Дойдутааҕы күнүн көрсө, бүгүн ыам ыйын 18 күнүгэр К. Д. Уткин аатынан Норуоттар Доҕордоһуулара кыраайы үөрэтэр түмэлигэр В. А. Петрова аатынан Ньурбатааҕы Кырдьаҕастар уонна инбэлииттэр интэринээт дьиэлэрин Аҕам саастаахтара Ньурба улууһа төрүттэниитин уонна историятын кэпсиир матырыйаалларҕ түмүллүбүттэрин көрдүлэр иһиттилэр. Музей экспонаттарын уонна чахчыларга олоҕурбут матырыйаалларынан бу музей үлэһитэ методист-специалист Александра Петровна Иннокентьева экскурсовод гид быһыытынан олус үчүгэйдик кэпсээтэ уонна билиһиннэрдэ. Маны таһынан, эһиил буолуохтаах Ньурба улууһа тэриллибитэ үбүлүөйдээх 200 сылыгар аналлаах улахан тэрээһиҥҥэ бэлэмнэнии үлэтэ бара турарын билиһиннэрдэ . Даҕатан эттэххэ, түмэл көрдөрөр-билиһиннэрэр матырыйааллара аныгылыы виртуальнай халыыбынан көрдөрүллэрэ-иһититиннэриилэрэ лаппа тупсубутун бэлиэтэххэ сөп. Түгэнинэн туһанан Ньурбатааҕы Норуоттар доҕордоһуулара түмэл салалтатыгар сэргэх экспонаттарын уонна матырыйаалларын Ньурбатааҕы кырдьаҕастар уонна инбэлииттэрин дьиэлэрэ аҕам саастаахтара барда махталларын биллэрэллэр.

Интэринээт аҕам саастаахтарын музейга илдьэ сырытта Григорий Седалищев.